Bakının təmirə dayanan əsas yollarından biri yenidən istifadəyə verilib.
Bunu APA TV-yə "Azəravtoyol" ASC-nin mətbuat katibi Anar Nəcəfli açıqlayıb.
Aprelin 9-dan axşam saat 21:00 radələrində Yusif Səfərov küçəsində nəqliyyatın hərəkəti bərpa edilib.
Xatırladaq ki, bir müddət əvvəl Yusif Səfərov küçəsi yenidənqurma işləri ilə əlaqədar nəqliyyatın hərəkəti üçün məhdudlaşdırılıb və bu, paytaxtda ciddi tıxaclara səbəb olub.
