Ölkənin ən böyük mobil operatoru “Azercell”in göstərdiyi xidmət səviyyəsi daha bir müştərinin narazılığına səbəb olub.
Mynews.az Oxu.Az-a istinadən xəbər verir ki, bu barədə həmin operatorun xidmətlərindən istifadə edən xanım “Facebook” səhifəsində yazıb.
O deyib ki, artıq 5-ci dəfədir bütün xidmətlərdən imtina etməyimi tələb etmişəm:
“Buna baxmayaraq, balansımdan dayanmadan bir qəpik çıxılır. Mobil operator müştərinin bir qəpiyinə göz dikib”, - deyə abonent yazıb.
Oxu.Az məsələ ilə bağlı şirkətə müvafiq sorğu göndərib.
