Bakıda sürücü ilə YPX əməkdaşı arasında mübahisə kameraya düşüb.
Masazır yolunda gizli radar quraşdıran polis əməkdaşlarına yaxınlaşan sürücü etiraz edib. Polisə irad tutan sürücü gizli radar quraşdırılmasının düzgün olmadığını bildirib. Buna cavab olaraq polis sürücüdən sənədlərini təqdim etməyi tələb edib.
Qeyd edək ki, radarla bağlı ekspert Ərşad Hüseynov bir müddət öncə açıqlama vermişdi. Mütəxəssis hesab edir ki, radarlar istənilən yerdə, hətta 100 metrdən bir də quraşdırıla bilər.
Videogörüntülərdən aydın görünür ki, YPX əməkdaşı vəsiqəsini sürücüyə təqdim etməkdən boyun qaçırır. Qeyd edək ki, sürücü YPX əməkdaşının özünü şifahi olaraq təqdim etməsi ilə kifayətlənməyib vəsiqəsini göstərməyi tələb etmək hüququna malikdir. Sürücü haqlı olaraq YPX əməkdaşının vəsiqəsini görməyincə sənədlərini təqdim etməkdən imtina edə bilər. Amma bu videodan görünür ki, YPX əməkdaşı vəsiqəsini təqdim etmək kimi öhdəliyinin mövcudluğundan xəbərsizdir və yaxasındakı nişanı vəsiqə kimi təqdim edir. Üstəlik, sürücünün sənədlərini zorla almağa çalışır.
Ümumiyyətlə, hazırda YPX əməkdaşlarının savadsızlığı və mədəniyyətsizliyi ölkənin sürücü kütləsi qarşısında ciddi problem olaraq dayanmaqdadır.
