Dünyanın ən məşhur və böyük fast-fud restoranları şəbəkələrindən biri olan KFC ilə bağlı qalmaqallı video yayılıb.
KFC şəbəkəsində müştərilərin ən çox sevdiyi təamlardan biri isə "KFC Gravy" sousudur.
Həmin sousun necə hazırlandığının təfərrüatlarının əks olunduğu iddia edilən video böyük qalmaqal yaradıb.
KFC-nin sabiq əməkdaşlarından biri deyib: "Bu sous iki yolla hazırlanır. İlk yol su və xüsusi konsentrat pudranın qarışdırılması, sonra da alınan qarışığın 12 dəqiqə mikrodalğalı sobada hazırlanmasıdır. Digər üsul isə bişirilmiş toyuq əti tikələrinin və istifadə olunmuş yağın qarışdırılmasıdır".
