"Cenifer Lopesin bir mahnısı 1 milyard dəfə izlənilir amma..." Deputat

Millət vəkili Aydın Mirzəzadə videoportallarda Azərbaycan mahnısına qarşı biganəlikdən gileylənib. Deputat bu barədə öz şəxsi Facebook hesabında yazıb:   "Vaxtaşırı youtube-də Azərbaycanın adı tarixə düşmüş müğənnilərinin ifasını dinləyir, hansısa bir xalq mahnısını ayrı-ayrı ifaçıların ifasında qulaq asmağı xoşlayıram. Təəssüf edirəm ki, bir qrup xanəndə və müğənnilərimizi çıxmaq şərti ilə bir çox manılarımızın ( o cümlədən xalq manılarımız da ) baxılma rəqəmi bir neçə mini keçmir. Müqayisə üçün Cenifer Lopesin bir mahnısı 1 milyard dəfə izlənilib. 60 milyon nəfərlik bir xalqın mahnılarının çox az sayda izlənməsi heç də müsbət nəticə sayıla bilməz. Mədəniyyətimizi ilk növbədə dəstəkləməklə tanıda bilərik".