Beynəlxalq Basketbol Federasiyası yarışlarda qadın basketbolçulara hicabda çıxış etməyə icazə verib.
Mynews.az Oxu.Az-a istinadən xəbər verir ki, bu barədə “BBC Sport” məlumat yayıb.
“Reqlamenti dəyişmək haqqında qərar qəbul edilib. Belə ki, bəzi ölkələrdə dress-kod başın örtülməsini tələb edir, bu isə əvvəlki qaydalara müvafiq deyil”, - təşkilatın bəyanatında qeyd edilir.
Yeni qaydalar rəsmən oktyabrın 1-dən qüvvəyə minəcək. Daha öncə hicab taxmaq təhlükəsizlik baxımından qadağan edilmişdi.
2014-cü ilin mart ayında Beynəlxalq Futbol Federasiyası başı bağlı meydana çıxmağa icazə verdi. Həmin ilin sentyabrında Qətərin basketbol üzrə yığması Asiya oyunlarında iştirak etməkdən imtina etdi, səbəb isə meydançaya hicabla çıxmağa icazə verilməməsi idi.
