İslam Oyunlarına gələn 7 ölkənin pulunu Azərbaycan ödəyəcək

Azərbaycan 7 ölkənin pulunu ödəyəcək.

Gənclər və İdman Naziri Azad Rəhimov 7 ölkənin İslam Oyunlarında iştirakla bağlı maliyyə çətinliyi ilə üzləşdiyini və Azərbaycanın həmin ölkələrə yardım edəcəyini bildirib.

Nazir vurğulayıb ki, bizim əsas məqsədimiz odur ki, 57 islam ölkəsinin hamısı Bakıda yarışda iştirak etsin, bu rekordu da vuraq: “Artıq 50 ölkədən tam təsdiq cavabı almışıq və onlar yarışlarda iştirak edəcəklər. Qalan 7 ölkə bəzi səbəblərə görə hələ ki gələ bilmirlər, maliyyə məsələlərində problemlər var. Biz çalışırıq ki, onlara da kömək edək və bu oyunlara cəlb edək”.