Bolqarıstanın “Vereya” futbol klubunun müdafiəçisi İvan Bandalovski matç zamanı azarkeşlərdən biri tərəfindən meydançaya atılmış pivəni içib.
Mynews.az Report-a istinadən xəbər verir ki, maraqlı hadisə Bolqarıstan çempionatının pley-off matçında, Avropa Liqasında yer uğrunda "Levski" komandasıyla qarşılaşma zamanı baş verib.
Belə ki, Bandalovski pivəni içdikdən sonra oyunun 93-cü dəqiqəsində rəqib komandanın qapısına qol vuraraq hesabı bərabərləşdirib: 1:1.
Qeyd edək ki, oyun penatlilər seriyası ilə “Levski”nin 10:9 hesablı qələbəsi ilə başa çatıb.
