"Çelsi"nin müdafiəçisi Natan Ake ötən mövsüm icarədə oynadığı "Bournemouth"a keçib.
Mynews.az goal.az-a istinadən xəbər verir ki, 22 yaşlı futbolçu ilə uzunmüddətli müqavilə imzalanıb. Yanvarda "zadəganlar"ın baş məşqçisi Antonio Konte onu icarədən geri çağırmışdı. Amma Premyer Liqa oyunlarında Ake cəmi 2 dəfə meydana çıxmışdı.
"Bournemouth" rəhbərliyi gənc futbolçunun transferinə 22.5 milyon avro xərcləməyə hazır idi. Bu klubun forması ilə Ake 12 oyunda 3 qol vurmuşdu. O, 2017-ci il mayın 31-də Hollandiya millisində debüt etmişdi.
