İngiltərə Premyer Liqasının XXV turunda baş tutan "Bernli" - "Çelsi" matçında maraqlı görüntülər qeydə alınıb.
Mynews.az apasport.az-a istinadən xəbər verir ki, meydan sahiblərinin azarkeşlərindən biri əsl qəhrəmanlıq edib.
Belə ki, qarşılaşmanın 19-cu dəqiqəsində "Bernli"nin hücumçusu Barnesin zərbəsi qapıdan aralı keçərək tribunaya tərəf istiqamətlənib.
Qüvvətli zərbə qapı arxasında valideyni ilə birlikdə matçı izləyən azyaşlı azarkeşə tərəf gedərkən, son anda hadisəni görən digər fanat topa müdaxilə edərək uşağı ciddi xəsarətdən xilas edib.
