Bildiyiniz kimi, bir neçə gün öncə güləş üzrə yığma komandalarımız etiraz aksiyası keçirdilər.
Bu aksiyadan sonra idmandan anlayışı olmayan bəzi şəxslər sərbəst güləş üzrə milli komandanın baş məşqçisi Firdovsi Umudovu hədəf aldılar. İdmançıları tənbeh etdiyinə görə baş məşqçini tənqid atəşinə tutdular.
Ona qarşı monitor arxası “qəhrəmanlıq” etməyə başladılar.
Umudov kimdir?
Umudov məşqçi kimi dünyada Azərbaycanı tanıdıb.
O, nə məmur, nə deputat, nə də nazir ailəsində böyüyüb.
Özünün güləşdiyi zamanlarda da məşqlərini Antaliyada, Parisdə, Brazilyada keçməyib.
Firdovsi Umudovun atası Qəminalı Umudov oğlunu hansı əziyyətlərlə məşq etdirdiyini bilirsinizmi? Bilənlər bilir, o, hansı əziyyətləri görüb. Çünki Qəminalı müəllim heç də övladının idmanına qarşı mülayim olmayıb. Daha sərt, daha güclü bir rejimlə məşq etməsini tənbeh edib.
O insan həm ailəsinə köməklik edib, həm güləşib. Sonra isə məşqçi kimi çox iş görüb.
Onun idmançı olmasını qoyaq bir kənara...
Bir azərbaycanlı göstərin ki, dünyanın ən yaxşı məşqçisi (2012) adına layiq görülsün.
Monitor arxası “qəhrəman”lar, nə bilirsiniz Firdovsi Umudov idmançılar üçün hansı yardımı edib?
El arasında arxadan danışanlar üçün gözəl bir söz deyilir: “Üzünə deyə bilərsənmi?”
Məlumatlara görə, vətəninə, dövlətinə bağlı olan Umudova dəfələrlə xarici ölkələrdən iş təklifi gəlsə də, həmişə “xeyr” cavabı verib.
İdman sahəsində böyük rolu olan şəxslərdən biri də “Şöhrət” ordenli (2012), “Tərəqqi” medalı ilə təltif olunmuş (2016) sərbəst güləş üzrə milli komandanın baş məşqçisi Firdovsi Umudovdur.
Danılmazdır ki, o, Azərbaycanın təbliğatı, idmanın, xüsusən də güləşin inkişafı üçün xeyli işlər görüb. Onun dünya, Avropa və olimpiya çempionlarımızın yetişməsində böyük əməyi olub. Elə buna görə də əməkdar məşqçinin uğurları təkcə ölkə hüdudlarında deyil, xaricdə də təqdir olunur. Belə ki, F.Umudov 2012-ci ildə “Düyanın ən yaxşı məşqçisi” adına layiq görülüb.
Qeyd etmək yerinə düşər ki, “Dünyanın ən yaxşı məşqçisi” adına layiq görülən yeganə azərbaycanlıdır.
Onun əqidəsinin, məqsədinin arxasında vətənpərvərlik, xalqına sevgi, dövlətə və dövlət başçısına bağlılıq prinsipi dayanır.
Bu əqidənin, məqsədin nəticəsidir ki, sərbəst güləşçiilərimiz dünya və Avropa arenalarında dəfələrlə bayraqlarımızı dalğalandırıb, himnimizi səsləndirib.
Elə Firdovsi Umudovun özü də dəfələrlə vurğulayıb ki, “biz idmançıdan öncə, birinci növbədə əsgər yetişdiririk”. Döyüşkən əsgər ruhlu güləşçilərimiz elə bu psixologiya ilə vətənə medalla qayıdıblar.
Xatırlatma...
Firdovsi Umudov idmançı kimi də bir çox uğurlara sahibdir. O dəfələrlə Azərbaycan çempionu, gənclərin Avropa Birinciliyinin bürünc, tələbələrin dünya çempionatının gümüş mükafatçısı və dünya kubokunun qalibidir.
2005-ci ildən isə Azərbaycanən sərbəst güləş üzrə milli komandasında çalışır. 2009, 2012, 2015-ci illərdə Azərbaycanın, 2012-ci ildə isə Dünyanın “Ən yaxşı məşqçi”si adına layiq görülüb.
2015-ci ildə isə Azərbaycan Respublikası prezidentinin fəxri diplomu ilə təltif olunub.
F.Umudova 2015-ci ildə polkovnik-leytenant rütbəsi verililib.
Maraqlı bir faktı da diqqətinizə çatdıraq ki, linkdəki videoya sərbəst güləş üzrə yığma komandanın baş məşqçisi F.Umudov haqda müsbət rəylər tək azərbaycanlılardan gəlməyib. Yaponiyadan və İspaniyadan da Umudov üçün xeyli sayda müsbət fikirlər yazılıb.
