“5 potensial rəqibimizin hər biri ilə qarşılaşmağı gözləyirdik, bu baxımdan, “Kopenhagen” də istisna deyildi”.
Mynews.az xəbər verir ki, bunu “Qarabağ”ın baş məşqçisi Qurban Qurbanov deyib.
Təcrübəli mütəxəssis Çempionlar Liqasının “play-off” mərhələsinin püşkatmasına münasibət bildirib. O, klubunun rəsmi saytına istinadən bildirib ki, mərasimdə bəxtlərinə düşən Danimarkanın “Kopenhagen” klubu ilə şanslarını dəyərləndirməyə çalışacaqlar: “Rəqibimizin gücü bəllidir, vaxtımız azdır. İstənilən halda şansımız var və bundan istifadə etməyə çalışacağıq. Buna baxmayaraq, rəqibi analiz edib oyuna maksimum şəkildə hazırlaşacağıq”.
