"Qalatasaray" Arda Turanın transferini razılaşdırıb.
Mynews.az Fanat.az-a istinadən xəbər verir ki, bu barədə az öncə "CNN Türk" məlumat yayıb.
Bildirilir ki, bu gün menecer Ahmet Bulutun vasitəçiliyi ilə "Qalatasaray" və "Barselona" rəhbərliyi arasında görüş baş tutub. Barselonada keçirilən görüşdə Ardanın bir illik icarəyə verilməsi ilə bağlı razılıq əldə olunub.
Ardanın bir il ərzində 5 milyon avro maaş alacağı bildirilir. "Barselona"ya isə 3 milyon avro icarə haqqı ödəniləcək.
