Çempionlar Liqasının "play-off" mərhələsinin cavab oyununda “Kopenhagen”lə qarşılaşacaq “Qarabağ” artıq oyunun keçiriləcəyi Danimarkadadır.
Mynews.az apasport.az saytına istinadən məlumat verir ki, Ağdam təmsilçisi dünən Kopenhagen şəhərinə çatıb.
Əyalət klubu saat 17:50-də Bakı-Kopenhagen reysiylə Danimarkaya yollanıb. Komanda 5 saatlıq yol qət etdikdən sonra şimal ölkəsinin paytaxtına çatıb. “Qarabağ” qalacağı hotelə yerləşib.
Qeyd edək ki, “Qarabağ” Çempionlar Liqasının "play-off" mərhələsinin avqustun 23-də səfərdə keçiriləcək cavab matçında “Kopenhagen”in qonağı olacaq. Qarşılaşma Bakı vaxtı ilə saat 22:45-də start götürəcək.
