Rusiyanın Krasnodar şəhərində sərbəst güləş üzrə olimpiya mükafatçısı, dördqat dünya çempionu Besik Kuduxovun xatirəsinə həsr olunmuş turnirdə kütləvi dava düşüb.
Report xəbər verir ki, Rusiya və Qazaxıstanın 200-dən çox pəhləvanının qatıltdığı yarış zamanı görüşlərdən biri yarımçıq dayandırılıb. Kütləvi davada məşqçilər və idmançılarla yanaşı, azarkeşlər də iştirak edib.
Qeyd edək ki, Besik Kuduxov 2013-ci il dekabrın 29-da avtomobil qəzasında dünyasını dəyişib. O, 2012-ci il London Yay Olimpiya Oyunlarında 60 kq çəki dərəcəsi üzrə final görüşündə Azərbaycan güləşçisi Toğrul Əsgərova uduzub. Daha sonra isə dopinq-testi müsbət nəticə verdiyi üçün Kuduxov gümüş medaldan məhrum edilib.
