Bu gün Çempionlar Liqasında qrup mərhələsinin II turuna yekun vurulacaq.
Mynews.az xəbər verir ki, qitənin bir nömrəli turnirində ölkəmizi təmsil edən “Qarabağ” da növbəti matçına çıxacaq.
Bakı Olimpiya Stadionunda keçiriləcək qarşılaşmanın bütün biletlərinin satılması da oyunun vacibliyindən xəbər verir. Çempionlar Liqasının əsas mərhələsinin ölkəmizdə keçirilən ilk oyunu kimi Azərbaycan futbolunun tarixinə düşəcək qarşılaşmada ağdamlıların işi çox çətin olacaq. “Qarabağ” İtaliya nəhəngi ilə oyunda autsayder hesab olunsa da, təmsilçimiz asan yem olmadığını isbatlamağa çalışacaq.
27 sentyabr
Çempionlar Liqası
Qrup mərhələsi, 2-ci tur
C qrupu
20:00. “Qarabağ” (Azərbaycan) – “Roma” (İtaliya)
Baş hakim: Artur Dias
Baş hakimin köməkçiləri: Rui Tavares, Paulo Soares
Əlavə hakim köməkçiləri: Tiaqo Martins, Joao Pineyro
Dördüncü hakim: Bruno Rodriqes (hamısı Portuqaliya)
Bakı Olimpiya Stadionu
