Futbol üzrə Azərbaycan Premyer Liqasının IX turunun oyun cədvəli müəyyənləşib.
Mynews.az xəbər verir ki, oktyabrın 20-də turun açılış matçında “Dalğa Arena”da “Səbail” klubu ilə “İnter” qarşılaşacaq.
Turun ikinci günündə “Kəpəz” Gəncə şəhər stadionunda “Neftçi”ni, “Sumqayıt” isə “Kapital Bank Arena”da “Zirə” klubunu qəbul edəcək.
Turun mərkəzi qarşılaşmasında isə “Qəbələ” doğma meydanda “Qarabağ” klubunu qəbul edəcək.
Hazırda turnir cədvəlinə 19 xalla “Qarabağ” başçılıq edir. Hesabında 18 xal olan “Zirə” ikinci, “Qəbələ” 16 xalla üçüncüdür. Dördüncü pillədə qərarlaşan “Sumqayıt”ın 10, beşinci pillədəki “İnter”in isə 8 xalı var. “Neftçi” 7 xalla altıncı, “Səbail” 6 xalla yeddinci, “Kəpəz” isə 4 xalla sonuncu - səkkizinci pillədə qərarlaşıb.
