Azərbaycanın “Qarabağ” klubu Çempionlar Liqasının qrup mərhələsində növbəti oyununu keçirib.
Mynews.az oxu.az-a istinadən xəbərinə görə, səfərdə İspaniyanın “Atletiko” komandasının qonağı olan Ağdam təmsilçiləri inamlı təsir bağışlayıblar.
“Metropolitano” stadionunda keçirilən qarşılaşma 1:1 hesablı bərabərliklə yekunlaşıb.
Hesabı 40-cı dəqiqədə Miçel açıb. 56-cı dəqiqədə isə Tomas meydan sahiblərinin bərabərlik qolunu vurub.
Bu qrupun digəri oyununda “Roma” doğma meydanda “Çelsi”ni 3:0 hesabı ilə məğlub edib.
Dörd turdan sonra C qrupuna səkkiz xalla “Roma” başçılıq edir, “Çelsi” yeddi xalla ikinci, “Atletiko” üç xalla üçüncü, “Qarabağ” isə dörd xalla sonuncu pillədə qərarlaşıb.
01:07
Çempionlar Liqasının IV turu çərçivəsində İspaniyanın Madrid şəhərində keçirilən “Atletiko” – “Qarabağ” oyununda hesab bərabərləşib.
Mynews.az oxu.az-a istinadən xəbərinə görə, meydan sahiblərinin heyətində 56-cı dəqiqədə Tomas fərqlənib.
Bundan əlavə, qarşılaşmanın 58-ci dəqiqəsində isə “Qarabağ”ın heyətində Pedro Enrike kobud oyuna görə birbaşa qırmızı vərəqə alaraq meydandan qovulub.
00:29
Xəbər verdiyimiz kimi, bu gün Azərbaycanın “Qarabağ” klubu Çempionlar Liqasının qrup mərhələsinin dördüncü turu çərçivəsində səfərdə İspaniyanın “Atletiko” komandasının qonağıdır.
Mynews.az oxu.az-a istinadən xəbər verir ki, Ağdam təmsilçiləri artıq qarşılaşmada hesabı açıblar.
Matçın 40-cı dəqiqəsində Dondald Geryenin künc zərbəsindən sonra Miçel fərqlənib.
