Futbol üzrə Braziliya yığmasının sabiq oyunçusu Robinyo qrup şəklində zorlamada iştiraka görə 9 il müddətinə azadlıqdan məhrum edilib.
Yenicag.az xəbər verir ki, bu gün Milan məhkəməsi 33 yaşlı futbolçunu və daha 5 nəfəri 22 yaşlı alban qızı qrup şəklində zorlamada müqəssir bilib.
Sözügedən hadisə 22 yanvar 2013-cü il tarixində Milan şəhərində baş verib.
Robinyonun son klubu Braziliyanın “Atletiko Mineyro” klubu olub. O, daha öncə ölkəsinin “Santos” klubunda, eləcə də “Real” (İspaniya), “Mançester Siti” (İngiltərə), “Milan” (İtaliya) və “Quançjou Everqrand”da (Çin) oynayıb.
