Almaniya Bundesliqasında 22-ci tur davam edir.
Komanda.az xəbər verir ki, turun ilk oyununda “Volfsburq” “Verder”i qəbul edib. Oyun Bremen təmsilçisinin qələbəsiylə nəticələnib - 2:1.
Son 3 turda yalnız bir qələbə qazana bilən lider “Bavariya” isə evdə aşağı pillələrdə qərarlaşmış “Hamburq”la qarşılaşıb. Münhen klubu "Dinozavrlar"ın daşını daş üstə qoymayıb - 8:0. Bu qarşılaşma "Bavariya"nın baş məşqçisi Karlo Ançelottinin baş məşqçi kimi 1000-ci oyunu olub.
"Bavariya"nın ən yaxın izləyicisi "Leyptsiq" də qalib gəlib. "Öküzlər" "Köln"ü 3:1 hesabıyla məğlub edib.
Dortmund "Borussiya"sı isə səfərdə "Frayburq"dan üstün olub - 3:0.
Almaniya Bundesliqası, 22-ci tur
24 fevral
Volfsburq - Verder 1:2
Qol: Mayoral, 19 - Qnabri, 10; 18.
25 fevral
Bayer - Maynts 0:2
Qol: Bell, 8. Öztunalı, 11.
Bavariya - Hamburq 8:0
Qol: Vidal, 17. Levandovski, 24-pen; 42; 54. Alaba, 56. Koman, 65; 69. Robben, 87.
Leyptsiq - Köln 3:1
Qol: Forsberq, 5. Maro, 34-avtoqol. Verner, 65 - Osako, 53.
Frayburq - Borussiya D 0:3
Qol: Papastopulos, 13. Obameyanq, 55; 70.
Darmştadt - Auqsburq 1:2
Qol: Heller, 47 - Veraeq, 55-pen. Bobadilla, 85.
21:30 Herta - Ayntraxt
26 fevral
18:30 İnqolştadt - Borussiya M
20:30 Şalke - Hoffenhaym
