Yanvarın 30-dan fevralın 10-dək keçiriləcək Avropa çempionatının final mərhələsində iştirak edəcək futzal üzrə Azərbaycan millisinin heyəti açıqlanıb.
Mynews.az xəbər verir ki, siyahıda 14 futzalçının adı yer alıb.
Braziliyalı baş məşqçi Joze Alesio da Silva Avropa çempionatının final mərhələsinə hazırlıq prosesində iştirak edən futbolçulardan bir nəfəri – Anar Məmmədovu heyətdən kənarlaşdırıb.
Qapıçılar: Rövşən Hüseynli (“Araz”), Emin Kürdov (EKOL);
Sahə oyunçuları: Rizvan Fərzəliyev, Eduardo Melo Borqes, Everton Kardozo, Ramiz Çovdarov, Tyaqo Teles Martins, İsa Atayev, Xətai Bağırov (hamısı “Araz”), Samir Həmzəyev, Namiq Məmmədkərimov (hər ikisi EKOL), Vasoura (“Əl-Dafra”, BƏƏ), Fineo de Araujo (“Aqleymina Hamamatsu”, Yaponiya), Vitali Borisov (“Ekonomats”, Serbiya).
Xatırladaq ki, millimiz Sloveniyada keçiriləcək Avropa çempionatında ilk oyununu fevralın 2-də debütant Fransaya qarşı keçirəcək.
