İranda stadiona getmək istəyən qadınlar maraqlı üsula əl atdılar

İdman

22:02 27.01.2018

İranda qadınlar futbol meydançalarına gedə bilmək üçün saxta saqqallar taxırlar.

Mynews.az xəbər verir ki, İranda qadınların matçlara getməsi qadağan edildiyindən qadınlar kişi komandalarının oyunlarına saxta saqqallarla gedir. Ölkədə qadınlar matçlara parik, saqqal, bığ taxıb, kişi paltarı geyinirlər.

Stadionlara keçmək üçün təhlükəsizlik xidmətinin baxışından keçən qadınlar onları aldatmağı bacarıb.

İranlı qadınların stadiona girmək üçün əl atdığı üsullar isə dünya mediasında böyük maraqla qarşılanıb. Özlərini kişiyə bənzədən qadınlar, eyni zamanda, azarkeşi olduqları komandanın rəngini üzlərinə çəkiblər.

Bundan başqa, İranda kişilər də qadın cildinə girir. Ölkədə xüsusilə qadınlar üçün ayrılan məkanlar fəaliyyət göstərir. Kişilər bu məkanlara girə bilmək üçün qadın paltarı geyinib makiyaj edirlər. Sonuncu dəfə qadın yarışları təxminən 2 ay əvvəl baş tutub. İranda keçirilən 5-ci "Asiya Qadınlar Kabaddi" Çempionatında Tailand komandasının kişi məşqçisi, salona girmək üçün başını örpəklə bağlayaraq, qadın libasında içəri girmişdi. (publika.az)