Formula 1 yarışlarının Azərbaycanın ABŞ-da daha çox tanınmasında mühüm rolu olub.
Mynews.az xəbər verir ki, bunu ABŞ-ın Azərbaycandakı səfiri Robert Sekuta Bakı Şəhər Halqası Əməliyyat Şirkətinin (BŞH) 2 Fevral Gənclər Günü münasibətilə "Davos" formatında "Öz karyeranı qur" mövzusunda keçirilən Gənclər Forumunda bildirib.
Forumda BŞH-nin gənc könüllülərinə karyeralarını qurmaqla bağlı tövsiyələr verən səfir gənclərlə öz həyat təcrübəsini bölüşüb.
Onun sözlərinə görə, Azərbaycanda fəaliyyətinin əsas məqsədi əlaqələrdəki zəif sahələri müəyyən etmək və onların daha da inkişaf etdirilməsini müəyyən etməkdir.
O, həmçinin, Azərbaycanda gənclərin də inkişafı üçün layihələr həyata keçirildiyini deyib.
"Gənclər həm də düşünməlidir ki, Azərbaycan və ABŞ əlaqələri bundan sonra necə inkişaf edə bilər," - deyə səfir çıxışına yekun vurub.
