USD 1.70
EUR 1,8441
RUB 0.0175
BREND 78.91
Bakı
7°

Rusiyaya medal qazandırmış idmançıda dopinq çıxıb

İdman
15:42 19.02.2018
Rusiyaya medal qazandırmış idmançıda dopinq çıxıb

İdman

15:42 19.02.2018

Cənubi Koreyanın Pyanqçanq şəhərində keçirilən XXIII Qış Olimpiya Oyunlarında körlinq növü üzrə bürünc medal qazanmış rusiyalı idmançı Aleksandr Kruşelnitskinin B dopinq-testi müsbət nəticə verib.

Mynews.az xəbər verir ki, A nümunəsində də dopinq aşarkarlanan idmançının ikinci nümunəsi bu gün səhər saatlarında Seuldakı Anti-Dopinq Laboratoriyasında açılıb. 

İdmançının B nümunəsində də meldonium maddəsi aşkarlanıb. Artıq onun akkreditasiyası əlindən alınıb. İdmançı Olimpiya Kəndini tərk etməli olub.

Qeyd edək ki, Olimpiadada Aleksandr Kruşelnitski həyat yoldaşı Anastasiya Brızqalova ilə birgə çıxış edib. Onlar qarışıq qoşa yarışda bürünc medal qazanıblar.

Kişi körlinqçinin dopinq-testinin müsbət nəticə verməsi üzündən Rusiya Olimpiadada qazandığı ilk medaldan məhrum edilmə təhlükəsi ilə üzləşib.


İdman

Xəbər lenti