İspaniya millisinin və “Real”ın futbolçusu Serxyo Ramos üçüncü dəfə ata olub.
Mynews.az xəbər verir ki, 31 yaşlı mərkəz müdafiəçisi dünən “Twitter” paylaşımında bu haqda yazıb:
“Böyük sevinclə sizə Alexandronu təqdim edirəm. O, saat 18:24-də doğulub və kilosu 3.1 kq-dır. Ana və uşaq yaxşıdırlar. Hamıya təşəkkür. Mən səni sevirəm, Pilar Rubio”.
Qeyd edək ki, Serxyo Ramosun həyat yoldaşı Pilar Rubio TV aparıcısıdır. 40 yaşlı aparıcı da öz hesabında yeni körpəsi olan şəklini paylaşıb və ərinə pna dəstək olduğu üçün təşəkkür edib.
Onu da bildirək ki, cütlüyün daha iki oğlu var.
