USD 1.70
EUR 1,8441
RUB 0.0175
BREND 78.91
Bakı
7°

“Qəbələ” Yaponiya və Meksika klubu ilə qarşılaşa bilər

İdman
14:30 30.03.2018
“Qəbələ” Yaponiya və Meksika klubu ilə qarşılaşa bilər

İdman

14:30 30.03.2018

"Qəbələ"nin 16 yaşadək futbolçulardan ibarət komandası iyunda beynəlxalq turnirdə qüvvəsini sınayacaq.

Mynews.az apasport.az-a istinadən xəbər verir ki, Praqada keçiriləcək "Ulduzlar Kuboku 2018"in 12 iştirakçısı artıq bəlli olub.

Belə ki, Azərbaycan təmsilçisi, "Barselona" (İspaniya), PSJ (Fransa), "Porto" (Portuqaliya), "Beşiktaş" (Türkiyə) və "Zenit"dən (Rusiya) sonra Çexiyanın 3 komandası - "Slovaçko", "Viktoriya", "Dukla", Almaniyadan "Herta", həmçinin Meksikadan "Çivas" və Yaponiyadan "Avispa"nın 2002-ci il təvəllüdlü futbolçuları yarışa qatılacaq.

Turnirdə mübarizə aparacaq digər 4 komandanın kimliyi hələ bilinmir. Bütün iştirakçılar müəyyənləşdikdən sonra püşkatma mərasimi keçiriləcək və qrupların tərkiblərinə aydınlıq gələcək.

Qeyd edək ki, "Ulduzlar Kuboku 2018" turniri iyunun 15-dən 17-dək baş tutacaq.


İdman

Xəbər lenti