Azərbaycan cüdoçuları Tbilisidə mübarizəyə başlayır

İdman

12:50 31.03.2018

Bu gün Gürcüstanın paytaxtı Tbilisidə cüdo üzrə Qran-prinin növbəti görüşləri keçiriləcək.

Mynews.az report-a istinadən xəbər verir ki, turnirin ikinci günündə 3 Azərbaycan idmançısı tatamiyə çıxacaq.

73 kq çəki dərəsində Paşa Əliyev 1/16 final mərləsəində hollandiyalı Sam Van Vestende ilə görüşəcək. Eyni çəki dərəcəsində mübarizə aparan Telman Vəliyev isə 1/8-də italiyalı Meloni Aqusto və Rudolf Kourtides cütünün qalibi ilə üz-üzə gələcək. 81 kq çəkidəki Coşqun Abdullayev isə 1/8 finalda gürcüstanlı Tamazi Kirakozaşvili ilə qarşılaşacaq.

Qeyd edək ki, martın 31-də üç idmançımız mübarizəyə qoşulub. 60 kq çəki dərəcəsində Sadiq Məhərrəmov ilk mərhələdə rusiyalı Albert Monquşa uduzaraq mübarizəni dayandırıb. Bu çəkidəki digər cüdoçu - Oruc Vəlizadə bürünc medal uğrunda görüşdə gürcüstanlı Laşa Çaduneliyə məğlub olub. 66 kq çəki dərəcəsində Elçin Hüseynov ilk mərhələdən qalib ayrılsa da, növbəti mərhələdə özbəkistanlı Şaxram Əhmədovla dueldən məğlub ayrılıb.

Xatırladaq ki, aprelin 1-də Sənan Əhmədov (100 kq) və Cəlil Şükürov (+100 kq) mübarizə aparacaq. Qran-pridə 38 ölkədən 183-ü kişi, 119-u qadın olmaqla, cəmi 302 cüdoçu mübarizə aparır.