İngiltərə Premyer Liqasına sonuncu vəsiqə uğrunda pley-off mərhələsinin yarımfinal raunduna yekun vurulub.
Mynews.az apasport.az-a istinadən xəbər verir ki, bu oyunlardan sonra bir yerə iki namizəd qalıb.
"Aston Villa" "Midlsbro" ilə qolsuz heç-heçədən sonra finala yüksəlib. Birminhem təmsilçisi ilk görüşdə 1:0 hesabı ilə qalib gəlmişdi.
Digər cütdə "Fulhem" "Derbi"yə ilk oyundakı məğlubiyyətin (0:1) əvəzini çıxa bilib. Premyer Liqaya vəsiqə uğrunda görüşdə də "Aston Villa" ilə "Fulhem" üz-üzə gələcək.
Qeyd edək ki, final oyunu mayın 26-da "Uembli"də baş tutacaq.
