Qana Futbol Assosiasiyasının prezidenti Kvesi Nyantakyi istefa verib.
Mynews.az xəbər verir ki, buna onun korrupsiya qalmaqalında iştirak etməsi səbəb olub.
Əməlini etiraf edən Nyantayki dövlət başçısı Nana Akufo-Addodan üzr də istəyib.
O, diqqətsizlikdən dələduzların qurbanı olduğunu bildirib.
Qeyd edək ki, iyunun 7-də Qana höküməti ölkənin futbol sektorundakı korrupsiya halları ilə bağlı sənədli filmin nümayişindən sonra milli assosiasiyanı buraxmağı qərara alıb. Filmdə K.Nyantakyinin bir iş adamından 65 min dollar aldığı əksini tapıb.
2005-ci ildən Qana Futbol Assosiasiyasının prezidenti olan K.Nyantakyi FIFA Şurasının üzvüdür. Lakin artıq ali futbol qurumu afrikalı funksioneri 90 gün müddətinə futboldan uzaqlaşdırıb.
