Daha bir azərbaycanlı ağırlıqqaldıranın dopinq testi müsbət nəticələnib.
Mynews.az xəbər verir ki, bu barədə Beynəlxalq Ağırlıqqaldırma Federasiyasının (IWF) rəsmi saytında məlumat verilib.
Bu il Azərbaycan çempionu olmuş Azər Məmmədlinin (+105 kq) qanında qadağan olunmuş etioxolanolon (anabolik steroid) preparatı aşkar edilib. Nəticədə Azər Məmmədli bütün rəsmi yarışlarda iştirakdan məhrum edilib və bu məsələ ilə bağlı yekun qərar qəbul olunub.
Xatırladaq ki, bundan öncə azərbaycanlı ağırlıqqaldıranlardan – Anastasiya İbrahimli, Hüseyn İsmayılov və İsa Rüstəmovun da dopinq testəri müsbət nəticə vermişdi.
