Futbol üzrə Azərbaycan kubokunda bir mərhələ ləğv edilib.
Mynews.az xəbər verir ki, ölkə kuboku daha 1/16 finaldan yox, 1/8 finaldan başlayacaq.
Buna səbəb I divizion klublarının sayının azalmasıdır. Belə ki, I divizionda iştirak edəcək klublardan dörd və ya altı komanda kubokda mübarizə aparacaq. Bu, 1992-ci ildə keçirilən ölkə kubokundan sonra ilk dəfə 1/8 finaldan başlayan turnir olacaq.
Qeyd edək ki, Azərbaycan kubokuna dekabrın 6-da start veriləcək. Mayın 19-da isə final görüşü keçiriləcək.
