Rəsul Çunayev finalda

İdman

18:36 08.04.2017

Bolqarıstanda keçirilən Dan Kolov və Nikola Petrovun xatirə turnirinin ilk yarış günündə 59, 71, 80, 96 kq-da yunan-Roma, 57, 65, 74, 97 kq-da sərbəst, 48, 55, 60, 69 kq çəkidə qadın güləşçilər yarışıb.

Mynews.az Qafqazinfo.az istinadən xəbər verir ki, Yunan-Roma güləşi üzrə 71 kq-da mübarizə aparan Rəsul Çunayev yarımfinalda macarıstanlı son Dünya çempionu Balint Korpasini məğlub edərək finala yüksəlib. Finalda güləşçimizin rəqibi Qırğızıstan təmsilçisi olacaq.

Taleh Məmmədov (59 kq) bürünc medal uğrunda görüşə çıxacaq.

Qadın güləşi yarışlarında mübarizə aparan Elis Manolova (69 kq) da bürünc medal görüşünə çıxacaq.

Sərbəst güləşçilərimizdən 57 kq-da mübarizə aparan Mahir Əmiraslanov yarımfinalda Rumıniyalı rəqibinə uduzub. Axşam proqramında güləşçimiz bürünc medal uğrunda görüşə çıxacaq. 

65 kq-da yarışan Məhəmməd Müslümov da bürünc medal üçün mübarizə aparacaq.

Final görüşləri Bakı vaxtı ilə saat 20:00-da başlayacaq.