Millinin keçmiş üzvü: "Kaş ki, 15 yaşlı qızı zorlayaydım"

İdman

12:04 22.04.2017

15 yaşlı qıza təcavüz etməkdə təqsirləndirilən və 6 il müddətinə həbs cəzası alan ingilis futbolçu Adam Consonun dəhşətli videogörüntüləri mətbuata sızıb.

Mynews.az CNNTürk-ə istinadla bildirir ki, "Sanderlend"in və İngiltərə millisinin sabiq yarımmüdafiəçisi Adam Conson yetkinlik yaşına çatmayan qızla intim münasibətdə olduğunu qəbul etdikdən sonra 6 illik həbs cəzası almışdı.

Bu hadisədən sonra klubu ilə əlaqələri kəsilən oyunçu dünən "The Sun"da yayılan görüntüləri ilə gündəmə gəlib.

Qalmaqal yaradan videoda Consonun "kaş ki, o qızı zorlayaydım" deməsi əks olunub. Conson videoda söyüşlərdən istifadə etdiyi danışığı zamanı "6 il həbs olunacağımı bilsəydim, o qızı zorlayardım", - deyir.

Qeyd edək ki, onun daha rahat bir həbsxanaya göndərilməsi nəzərdə tutulurdu. Lakin, bu sözlərindən sonra, çətin ki.

2010-2012-ci illərdə "Mançester Siti"də çıxış edən Adam Conson "Sanderlend"ə transfer olduqdan sonra 20 matça çıxmışdı.