Libertadores Kubokunun qrup mərhələsində keçirilən "Penyarol" – "Palmeyras" matçında (2:3) qalmaqal yaşanıb.
"Palmeyras"ın yarımmüdafiəçisi Felipe Melo Uruqvayın "Penyarol" klubu ilə matçda rəqib futbolçularla dalaşıb.
"Qalatasaray"ın sabiq futbolçusu matçın sonlarında baş verən qarşıdurmada rəqibinə yumruq vurub. Təhlükəsizlik işçiləri aranı sakitləşdirsələr də, daha sonra paltardəyişmə otağına qaçan Melo davanı orada da davam etdirib.
Qeyd edək ki, Melo oyundan əvvəl verdiyi açıqlamasında "qalib gəlmək üçün uruqvaylılara yumruq belə ataram" demişdi.
