“Google” öz bloqunda sayt sahiblərinə “Ad Experience Reports”u təqdim edəcəyini bildirib, bu tətbiq onlara hansı reklamın yolverilən olduğunu anlamağa, eləcə də standartlara uyğun olmayan reklam ilə problemləri həll etməyə yardım edəcək.
Mynews.az Oxu.Az-a istinadən xəbər verir ki, bu barədə BBC məlumat yayıb.
Reklamın keyfiyyətlərini “Yaxşı reklam uğrunda Koalisiya”sı müəyyən edəcək, bura “Google”, “Facebook”, “News Corp”, “Interactive Advertising Bureau” (IAB), “Procter & Gamble” və digər şirkətlər daxildir.
Yolverilməz reklam, əsasən ani açılan pəncərələr, avtomatik başlayan video-çarxlar və geriyə sayım ilə olan reklam elanları hesab ediləcək.
