“Google” Avropada cərimələnəcək. Bu cərimənin məbləğinin isə “İntel”ə rəğbət qanunlarını pozduğuna görə verilmiş 1,1 milyard avroluq cəriməni keçəcəyi qeyd olunur.
Mynews.az Marja-ya istinadən xəbər verir ki, “Google” özünə məxsus alış-veriş xidmətini axtarış nəticələrində sistematik olaraq önə çıxararaq bazardakı hakim mövqeyindən sui-istifadə edib.
“Google” və ana şirkəti “Alphabet”ə cavab verməsi üçün 10 həftə vaxt verilmişdi. Şirkət Avropa Komissiyası ilə məsələni həll etmək üçün üç dəfə təşəbbüs göstərib, ancaq bu, bir nəticə verməyib.
Xatırladaq ki, Avropa Komissiyası daha əvvəl başqa ABŞ şirkətlərini də cərimələyib.
