“App Annie ” şirkəti 2017-ci ilin ikinci rübü üçün yeni tədqiqat apararaq “Google Play” əlavələr mağazasında yükləmələrin sayının 15 milyardı ötməsini açıqlayıb. Bu, “App Store” əlavələr mağazasından 135 faiz çoxdur.
Mynews.az ICTnews-a istinadən xəbər verir ki, “App Store” ən gəlirli əlavələr mağazası olmaqla bu göstərici üzrə “Google Play ” mağazasını 95 faiz üstələyir.
Analitiklər “Google Play ” mağazasının uğurunu Hindistan və Braziliya kimi inkişaf etməkdə olan bazarlarda smartfonların sayının artması ilə izah edirlər. Braziliya artıq yükləmələrin sayına görə ABŞ-ı geridə qoyub.
Qeyd olunur ki, “App Store ” ən gəlirli mağaza adını "iOS" sisteminin qapalılığı və ödəniş qabiliyyətinə malik çoxsaylı istifadəçilər sayəsində stabil saxlayır.
Oxu.Az
