“Google” şirkəti “Gmail” və “Inbox by Gmail” poçt xidmətləri üçün çoxdan gözlənən faydalı funksiyanı istifadəyə verib. İndi sözügedən xidmətlərin veb versiyaları, həmçinin “Android” və “iOS” mobil əməliyyat sistemləri üçün “Gmail” və “Inbox by Gmail” proqramları telefon nömrəsi, adi ünvan və ya elektron poçt ünvanını linklərə çevirəcək.
Mynews.az Oxu.Az-a istinadən xəbər verir ki, ünvanı göstərən linkin üzərinə sıxan istifadəçi “Google Maps”ə daxil olacaq, telefon nömrəsindən ibarət link telefon proqramında, elektron poçt ünvanından ibarət link isə poçt proqramında açılacaq.
