"Facebook"a rəsmən xəbərdar edildi "Bağlayacağıq"

"Şəxsi məlumatların qorunması haqqında" qanunun tələblərini yerinə yetirməzsə, "Facebook" Rusiyada bağlanacaq.

Mynews.az-ın Sputnik-ə istinadən verdiyi məlumata görə, bunu jurnalistlərə Rusiyanın Rabitə, İnformasiya Texnologiyaları və Kütləvi Kommunikasiyalar üzrə Federal Xidmətinin (Roskomnadzor) rəhbəri Aleksandr Jarov bildirib.

"Qanun hamı üçün məcburidir. Ona görə də şübhə yoxdur ki, biz istənilən halda qanunun tələblərinin yerinə yetirilməsinə, əksə təqdirdə, təəssüf ki, LinkedIn kimi bu şirkətin də fəaliyyətini dayandıracağıq" — deyə Jarov bildirib.

Onun sözlərinə görə, "Roskomnadzor" yaxşı başa düşür ki, "Facebook" Rusiyada çox populyardır: "Digər tərəfdən biz başa düşürük ki, "Facebook" unikal xidmətdir, amma digər sosial şəbəkələr də var. Buna görə də, biz çalışacağıq ki, "Facebook" tərəfindən 242-ci qanuna hörmət qoyulsun".

"Facebook"dan bizə rəsmi məktub daxil olmayıb. Bizim bu istiqamətdə 2017-ci ilin sonuna qədər yoxlamalar aparmaq planımız yoxdur, amma 2018-ci ildə bu barədə düşünəcəyik" — deyə "Roskomnadzor"un rəhbəri bildirib.

Şəxsi məlumatlarla bağlı qanunvericilik ölkə ərazisində rusiyalıların şəxsi məlumatlarının qorunmasını tələb edir. "Roskomnadzor" qanunu pozan saytları xüsusi qeydiyyata alır və pozuntuları aradan qaldırmaqdan imtina etdikdə onları bloklayır. Ötən il sözügedən Xidmət LinkedIn sosialı şəbəkəsini bağlayıb.