"WhatsApp" tərtibatçıları "Apple" şirkətinin emojiləri əsasında öz emojilərini yaradıblar.
Mynews.az Yenicag.az-a istinadən xəbər verir ki, android üçün "WhatsApp"ın beta versiyasına yeni emojilər siyahısı əlavə olunub. Yeni emojilər "Apple" tərəfindən hazırlanmış emojilərə bənzəyir. “Görünür, "WhatsApp" "Apple"ın emojilərini götürüb, onları dəyişib”, – deyə "Emojipedia" saytı bildirib.
Əvvəllər "WhatsApp" "Apple" emojilərinə malik iOS emulyatorundan istifadə edirdi. Sözügedən yeni emojilər hələlik "WhatsApp"ın "Android" versiyasının beta versiyasında aktivdir. Onlar digər platformalarda da aktiv olacaqlar.
