Ölkə ərazisində internet təchizatı ilə bağlı problemlər müşahidə edilir.
Son bir ayda yaranan problem təkcə provayderlərdə deyil, mobil operatorlarda da hiss olunur.
Məsələ ilə bağlı Azərbaycanın milli kommunikasiya operatoru — "Delta Telecom" MMC-nin daxili xidmət rəhbəri Anar Gülməmmədov Metbuat.az-a bildirib ki, fərdi şəxslərdə olan problemlərə görə "Delta Telecom" məsuliyyət daşımır:
“Provayderlərə verilən sürət normaldır. Provayderlərin satdığı internetin sürətində problem var. Ona da cavabı Nəqliyyat, Rabitə və Yüksək Texnologiyalar Nazirliyi verməlidir”.
Nəqliyyat, Rabitə və Yüksək Texnologiyalar Nazirliyi ilə əlaqə saxlamağa çalışsaq da, zənglərimizə cavab verilmədi.
Məsələ diqqətimizdədir...
