"YouTube"a haker hücumu - 5 milyard izlənməsi olan "Despacito" silindi

“YouTube” haker hücumuna məruz qalıb və aralarında ən çox izlənən video – “Despacito” mahnısının klipi də daxil olmaqla, bir çox populyar video silinib.

Mynewaz.az lent.az-a istinadən xəbər verir ki, hücumu özünü “Prosox and Kuroi'sh” adlandıran fələstinli haker qrupu həyata keçirib.

Puerto Rikodan olan ifaçılar Luis Fonsi və Deddi Yankinin “Despacito”su ilə bərabər Şakira, Teylor Svift, Selena Qomes, reper Dreyk və digər tanınmış sənətçilərin klipləri də silinib. Əslində hakerlər bu kliplərin yerləşdirildiyi “Vevo” platformasının musiqi səhifələrini “sındırıblar”, nəticədə oradakı videolar yoxa çıxıb.

Hakerlərin motivləri məlum deyil, lakin onlardan biri deyib ki, bunu sırf əyləncə xətrinə edib: “Məni mühakimə etməyin, mən “YouTube”u sevirəm”.

Qeyd edək ki, 2017-ci ilin yanvarında “YouTube”a yerləşdirilən “Despacito” klipi 5 milyard dəfədən çox izlənib və 26 milyondan çox like yığıb.