Sosial media hesablarında bəzi tətbiqlərin aktivləşməsinə icazə verən istifadəçilər, əslində özləri də bilmədən şəxsi məlumatların ələ keçməsinə şərait yaradırlar.
Metbuat.az-ın məlumatına görə, bu barədə türkiyəli texnoloqlar xəbərdarlıq edib. Onların arasında "hansı məşhura bənzəyirsən?", "50 yaşında kimə bənzəyəcəksən?", "profilimə sonuncu dəfə kim baxıb?" və digər bu kimi tətbiqlər var.
Bildirilir ki, bu tətbiqlərdən istifadə edərək, onların paylaşılması şəxsi məlumatların ələ keçməsinə imkan verir. Hakerlər bu üsulla istifadəçilərin cihazlarına daxil olaraq, onları dinləyə, kameralarından istifadə edə, telefondakı nömrələri ələ keçirə və digər şəxsi məlumatları əldə edə bilər.
