Cənubi Amerika ölkələrindən Paraqvay da ABŞ və Qvatemaladan sonra səfirliyini Təl-Əvivdən İsrail tərəfindən işğal olunmuş Fələstin torpağı Qüdsə köçürüb.
“Qafqazinfo” TRT-yə istinadən xəbər verir ki, Praqvay səfirliyi rəsmi mərasimlə xidmətə verilib.
Mərasimdə Paraqvay prezidenti Horakio Kartes və İsrail Baş naziri Binyamin Netanyahu da iştirak edib.
Beləliklə, Paraqvay, ABŞ və Qvatemaladan sonra Təl-Əvivdəki səfirliyini Qüdsə köçürən üçüncü ölkə olub.
Qeyd edək ki, ABŞ Qüdsdəki səfirliyinin amılışını 14 mayda etmişdi. Həmin gün Qəzzada keçirilən etiraz aksiyalarında 63 nəfər İsrail əsgərləri tərəfindən qətlə yetirilmiş, 2700-dən çoxu isə yaralanmışdı.
