Çində kömür şaxtasında qaz partlaması nəticəsində ölənlərin sayı 18 nəfərə çatıb.
Mynews.az xəbər verir ki, bu barədə “Sinyuxa” agentliyi məlumat yayıb.
Hadisə bazar günü günorta saatlarında Hunan əyalətinin Huanfentsyao şəhər dairəsində baş verib. Hadisə zamanı şaxtada 55 nəfər olub. Daha öncə üç nəfərin öldüyü, çox sayda adamın xəsarət aldığı barədə məlumat yayılmışdı.
Xilasedicilər 37 nəfəri xilas edə biliblər. Qeyd edilir ki, hazırda 18 nəfərin ölməsinə dair məlumat təsdiq edilib.
Hüquq-mühafizə orqanları hadisənin araşdırılması ilə məşğul olurlar.
