USD 1.70
EUR 1,8441
RUB 0.0175
BREND 78.91
Bakı
7°

ABŞ haker hücumlarına qarşı beynəlxalq yardım təklif edib

Dünya
11:01 13.05.2017
ABŞ haker hücumlarına qarşı beynəlxalq yardım təklif edib

Dünya

11:01 13.05.2017

ABŞ-ın Daxili Təhlükəsizlik Nazirliyi haker hücumlarına qarşı beynəlxalq yardım təklif edib.

Mynews.az-ın APA-ya istinadən verdiyi məlumata görə, bu barədə nazirliyin rəsmi saytında bildirilir.

Məlumatda qeyd olunur ki, kompüterləri sıradan çıxaran zərərverici proqram təminatı “Ransomware” kimi tanınır. Onun əmələ gətirdiyi problemlərin aradan qaldırılması üçün mart ayında xüsusi proqram vasitəsi (patç) buraxılıb.

“Biz son hadisələrlə əlaqədar fəal şəkildə informasiya mübadiləsi aparır və həm ABŞ-da, həm də beynəlxalq səviyyədə tərəfdaşlarımıza müvafiq texniki yardım göstərməyə hazırıq”, nazirliyin məlumatında vurğulanır.

Qeyd edək ki, mayın 12-də 74 ölkədə 45 min müxtəlif təşkilat haker hücumuna məruz qalıb. Kompüterlərin sistemlərini bloklayan, işin bərpası üçün Bitcoin kriptovalyutasında 600 dollar ödəniş tələb edən zərərverici “WannaCry” virusu ən çox Rusiya ərazisindəki serverlərə ziyan vurub.


Dünya

Xəbər lenti