Baş nazir kabinetində oyun oynadı - FOTOLAR

Kanadanın baş naziri Castin Trüdo iş gününü bir qədər əyləncəli etmək qərarına gəlib.

45 yaşlı Trüdo 3 yaşlı oğlu Edrianı özü ilə işə aparıb. Daha sonra o, iş otağında və iqamətgahında oğlu ilə birlikdə çəkdirdiyi fotoları "Facebook"-dakı səhifəsində paylaşıb.

"Bu gün ofisdə tək deyiləm" - Trüdo yazıb.

İş qrafiki gərgin olsa da, Trüdo kiçik oğlu ilə əylənməyə vaxt tapıb. O, kabinetdə Edrianla gizlənpaç, sonra da dəhlizdə qaçdı-tutdu oynayıb.

Castin Trüdo 1968-1979-cu və 1980-1984-cü illərdə Kanadanın baş naziri olmuş Pyer Trüdonun böyük oğludur./milli.az/