Amerikalı müğənni Ariana Qrande İngiltərənin “Mançester arena” stadionunda konserti zamanı baş verən partlayışla əlaqədar başsağlığı verib.
Mynews.az-ın Report-a istinadən məlumatına görə, bu barədə ifaçı öz “Twitter” səhifəsində yazıb.
“Qəlbim parçalanıb. Çox, hədsiz dərəcədə təəssüf edirəm. Deməyə söz tapmıram”, - deyə o yazıb.
Mayın 22-si axşam saatlarında Ariana Qrandenin konserti keçirilən “Mançester arena” stadionunda partlayış baş verib. Nəticədə 19 nəfər ölüb, 50 nəfər yaralanıb. Partlayışı terrorçu-kamikadzenin törətdiyi ehtimal edilir.
