Böyük Britaniyanın BBC telekanalı İraq ordusuna məxsus “Gecə ovçusu” Mi-28 vertolyotunun panorama videosunu dərc edib.
Videoda vertolyotun Mosul üzərində patrul keşiyi çəkdiyi, həmçinin aviasiya topunun köməyi ilə İŞİD terror qruplaşmasının döyüşçülərinə atəş açdığı görünür.
30 millimetr kalibrli 2A42 topu 4000 metr məsafədən rəqibin canlı qüvvəsinə effektiv atəş aça bilir. 2017-ci ilin əvvəlinə olan məlumata görə, İraqın Hərbi Hava Qüvvələrinin arsenalında 15 ədəd M-28 vertolyotu var. İraq ordusunun məlumatına görə, “Gecə ovçusu” Əl-Fəllucə, Ramadi və başqa əməliyyatlarda əhəmiyyətli rolu oynayıb.
