“United Airlines” şirkətinin təyyarəsi səmaya qalxarkən mühərriklərindən biri alışıb, göyərtədə olan sərnişinlər təxliyə edilib.
Mynews.az-ın məlumatına görə, Oxu.Az RİA Novosti-yə istinadən xəbər verir ki, bu barədə yerli “CBS New York” telekanalı məlumat yayıb.
Telekanalın məlumatına görə, “Boeing 757” təyyarəsi Nyu-Cersidəki Beynəlxalq Nyuark Liberti aeroportundan San-Fransiskoya uçmalı idi.
Təyyarədə 124 sərnişin və yeddi heyət üzvü olub. Ehtimal edilir ki, təyyarənin sağ hissəsindəki mühərrikdə alışma baş verib.
Hava limanından verilən məlumata görə, hazırda xəsarət alanlar haqqında məlumat yoxdur.
